{email_subject}

LGS Newsletter - Mäerz 2022

1. Formatioun - FAQ Naturschutzgesetz

2. Formatioun - Coyote Teaching

3. Formatioun - Mobile Niddreg Seelgaart

4. Synode 2021-2023

5. Montée vers Pâques

6. Programm EAS

7. Esch 2022: Agenda

8. Esch 2022: Sief mat dobäi!

9. Esch 2022: Ciné-Konferenzen

10. Esch 2022: Eng Veillée fir de Fridden

1. Formatioun - FAQ Naturschutzgesetz

Méindeg, de 14.3.2022 um 19h00 um Neihaischen

Präsenz oder online

Umeldung: Chefbox/Formatiounsportal

Am leschte Joer huet den Ëmweltministère zesumme mam SIL (Scouting in Luxemburg) an aneren Acteuren en Dokument zu de Froe ronderëm d‘Naturschutzgesetz erstallt. Dëst Dokument „FAQ fir ëmweltpädagogesch Gruppenaktivitéiten an der Natur“ass a wichtegt Aarbechtsinstrument fir all Cheffen.

D’Madame Carmen Weisgerber vum Ministère de l’Environnement, du Climat et du Développement durable stellt eis dëst Dokument vir.

D’Inhalter vun der Formatioun sinn:

Virstellung an Erklärungen zum Dokument „FAQ fir ëmweltpädagogesch Gruppenaktivitéiten an der Natur.
Wéi schaffen ech mam Geoportail?, engem interessanten Tool fir Cheffen.

Klick op d'Bild

Umeldung fir d'Formatioun Naturschutzgesetz

zréck zum Inhalt

2. Into the Wild - Aféierung an de Coyote Teaching

Datum: 22.-24. Abrëll 2022

E WE fir "wëll" Cheffen

Bei allen Naturvëlker gouf et eng Aart a Weis vum Léieren, déi bei den Urawunner aus Nordamerika „Coyote Teaching“ genannt gouf. D’Natur selwer gëtt zum groussen Deel d’Äntwerten op d’Froen. Duerch verschidden Technike léiert ee sech heirop anzeloossen.

Dir hutt d'Méiglechkeet iech wärend engem verlängerte Weekend ganz aktiv, praktesch a geeschteg mat de Begrëffer „Coyote Teaching“, „Naturspiritualitéit“ an och dem „Scoutissem“ auserneen ze setzen.

Hutt dir Loscht op esou ee „wëllen a spirituelle“ Weekend, dann mellt iech schnell un!

Klick op d'Bild

Säit kucken

Umeldung Coyote Teaching

zréck zum Inhalt

3. Formatioun - Mobile Niddreg Seelgaart

Datum: 17.-19. Juni 2022

Hei léiers du wéi s du mam Klammmaterial vun den LGS e mobile Seelgaart

kanns opriichten an d’Material duerno fir däi Grupp kanns ausléinen.

D’Material bitt dir d’Méiglechkeet souwuel e Slackline-Parcours opzeriichten,

wéi och mat Monkey-Trees an de Beem ze klammen. Wanns

du dës flott Geleeënheet wëlls notze fir de Jonken a Kanner e spannend

a flott Erliefnis z’erméiglechen, da mell dech schnell un

Klick op d'Bild

Säit kucken

Umeldung Niddreg Seelgaart

zréck zum Inhalt

4. Synode 2021-2023

Als gréisste Jugendmouvement hu mir als LGS decidéiert eise Memberen d’Méiglechkeet ze ginn, bei der Synode vun der lëtzebuerger Kierch matzemaachen. Jidderee kann a soll seng Meenung soen!

Klick op d'Bild

Hei geet et direkt bei d'Ëmfro:

LU FR

Flyer Synode

zréck zum Inhalt

5. Montée vers Pâques

Du kanns och dëst Joer erëm bei onser Online “Montée vers Pâques” matmaachen. Vu Pällemsonndeg bis Ouschterméindeg schécke mir dir all Dag een Impuls.

Klick op d'Bild

Flyer Montée vers Pâques

Umeldung Montée vers Pâques

zréck zum Inhalt

6. Programm - EAS

Bis d’Grouss Vakanz huet d’EAS erëm en ofwiesslungsräiche Programm op d’Been gesat. Kuckt iech en un an haalt iech elo schonn eenzel Datumer fest.

Klick op d'Bild

Programm EAS (PDF)

zréck zum Inhalt

7. Esch 2022: Agenda

ESCH ass zesummen mat aneren Südgemengen dëst Joer d’Europäesch Kulturhaaptstad.

An deem Kader bidden d’Lëtzebuerger Guiden a Scouten en interessante Programm un, wou jidderee ka matmaachen:

25. Mäerz – 6. Abrëll

Ausstellung an der Lallenger Kierch

Guidisme et Scoutisme: Une ouverture vers le monde

1. Abrëll

Komm mat: Veillée fir de Fridden

Veillée intercommunautaire an der Lallenger Kierch organiséiert vun der EAS

2. Abrëll – 6. Abrëll

Modell-Camp mat Guiden a Scoutsaktivitéiten op der Brillplaz

3. Abrëll – 5. Abrëll

LGS GO CINEMA

3 Ciné-Konferenzen an der Lallenger Kierch mat Geschichte vu Jonke an hiren Erausfuerderungen.

zréck zum Inhalt

8. Esch 2022: Sief mat dobäi!

2022 ass Esch, respektiv d’Südgemenge vum Land jo d’Europäesch Kulturhaaptstad.

D’LGS hunn d’Chance kënnen Deel vum offizielle Programm ze sinn. Mir si vum 2. bis de 6. Abrëll op der Brillplaz (Place de la Résistence) mat engem klenge Modell-Camp a bidden Ateliere fir Kanner a Jonker un.

Mir riichten hei e puer Zelter a Konstruktiounen op an hunn och eng Feierplaz. Als Aktivitéite maache mir ënnert anerem:

Stackbrout
e Kimspill
Holzscheiwe brennen
mat Bléiëfarwe molen
mat Specksteen schaffen
maache Geschécklechkeetsspiller an an an …

Samschdeg a Sonndeg këmmeren sech déi Escher LGS Gruppen ëm Gedrénks an Iessen op der Plaz vun 11 :00 Auer un.

Staff

Et ass esou wäit alles organiséiert, mee elo brauche mir nach Staffleit, déi dës Ateliere begleeden a leeden (Sa./So. vun 11:00 – 18:00 a Méi./Dën./Mët. vu 14:00 – 18:00). Et geet duer, wann s de eng hallef Stonn am Viraus do bass, du kriss dann deng genee Charge op der Plaz zougeuerdnet.

Bass du interesséiert hei matzehëllefen, da fëll w.e.g. folgende Forms aus, hei kanns du och nach aner Iddien oder Bemierkunge schreiwen.

Umeldung STAFF

Guiden a Scouten

Wëlls du mat denger Guiden/Scouts – Trupp matmaachen (als Versammlung oder Sortie), mat Kollegen oder der Famill laanscht luusse kommen, ee Patt huelen an ee Maufel iesse kommen oder einfach just derbäi sinn, da komm einfach laanscht, jiddereen ass méi ewéi wëllkomm!

zréck zum Inhalt