Léif CaraPio Chef, Léif Gruppechef,

Dëst Joer leeft de Pélé nees, wéi gewinnt.

Vu ville Plazen am Land maachen e Samsdeg den 7. Mee 2022 Gruppe sech zu Fouss duerch d’Nuecht op de Wee an d’Stat.

Maach och du mat!

Hei fënns du eng kleng Préparatioun mat Posten déi ënnerwee kënne gemaach ginn: klick hei

An hei fënns du de Flyer vum Pélé: klick hei

D’Jugendmass vum Pélé des jeunes ass um 7:30h, Sonndes den 8. Mee 2022 an der Kathédral. Et gëtt eng „ad hoc Chorale“ fier dëss Mass gebild a jidfereen de wëll matsangen oder matmusizéieren, ass wëllkomm. Et sinn 2 Prouwen virdrun geplangt. Weider Detailer kritt een, wann een sech umellt.

No der Mass gëtt um Parvis vun der Kathedral Kaffi, Schoki, Croissant vun den Escher Juppen zervéiert.

Fir hinnen d’Organisatioun ze erliichteren, froe mer iech am Viraus eng ongeféier Zuel vu Participanten matzedeelen.

Mer wiere frou, wann der eis och gifft matdeelen wéini a wou ären Départ ass.

Fier d’Umelldung an all weider Froen:  carolina.medrano@cathol.lu.

Mer wënschen iech all e flott Erliewnis um Pélé.

CaraPio Ekipp an Zesummenaarbecht mat der EAS vun de Lëtzebuerger Guiden a Scouten an der Jugendpastoral

All d'Informatioune fënns du och hei: klick hei