Léif Wëllefcher-Cheffen,

um Chefdag hu mir Iech den neie Aktivitéitspouster virgestallt, deen d’Pistebichelchen ersetzt. Fir déi Gruppen, déi net um Chefdag waren, gëtt et bis den 8. Oktober d’Geleeënheet sech och ee Pouster ze bestellen:

Um Pouster ginn déi 5 Beräicher aus der neier Method mat jeweils 3 passenden Aktivitéiten ergänzt. Dir als Chefekipp kënnt déi Aktivitéiten maachen, an evt dono den entspriechende Badge aus deem Beräich un är Wëllefcher verdelen (dat wier eng Méiglechkeet fir Badger ze verdelen; natierlech kënnt dir awer och z.B. en Trail zu engem Beräich maachen, an dono den entspriechende Badge verdelen).

Mir wëllen eng grouss Sammelcommande maachen a froen iech dofir eis ze soen, wéi eng Zort vu Pouster dir fir äre Ruddel bestelle wëllt:

D’Variante sinn:

1. Outdoor (mat enger Holzeplack an engem Pouster - Bild 1)

• Entweder am Format DinA1 oder DinA0; d’Format DinA1 wäert tëscht 25 - 30€ kaschten, an d’Format DinA0 tëscht 50 - 60€.

2. Indoor (als Pouster an der gewënschter Gréisst):

• Entweder am Format A1 (10-15€) oder A0 (15-20€)

Dir kënnt zousätzlech wielen ob dir déi Variant mat de proposéierten Aktvitéiten (Bild 2) dra wëllt, oder ob dir léiwer eng „blanko“-Versioun wëllt (Bild 3), wou dir iech da selwer Aktivitéiten draschreiwe kënnt.

Schreiwt eis w.e.g. bis den 8.10. eng Mail un wellefcher@lgs.lu an da bestelle mir dat ganz séier!

Sot eis an der Mail,

- ob dir Indoor- oder Outdoor Variant wëllt,

- a wéi enger Gréisst (DinA1 oder DinA0),

- ob dir de Pouster als blanko oder mat proposéierten Aktivitéiten dran wëllt.

Soubal d’Pousteren resp. d’Holz bis do ass, kontaktéire mir Iech mat de Méiglechkeeten wou Dir et kënnt siche kommen. Ab deem Moment wäerten och an der Chefbox zousätzlech Erklärungen zu deenen opgelëschten Aktivitéiten ze fanne sinn.

Mir freeën eis op är Bestellungen,

Bis geschwenn

är Wëllefchersekipp