Léif Bibercheftainen a Bibercheffen, 

Mat dësem Newsletter schécke mer iech ee klenge Résumé vun eiser Brancheversammlung um Chefdag.

An der Brancheversammlung hate mer iech déi wichtegst Datumer fir d'Scoutsjoer 2022-23 présentéiert, déi mir op dëser Plaz nach eng Kéier widderhuelen.

Formatiounen:

STIP Deel 1: 29.-31. Oktober 2022
Methodendag: 30. Oktober 2022
STIP Deel 2: 6.-7. Mee 2023

Fir de Start vum neie Scoutsjoer goufen e puer Neierungen am Beräich vun der Formatioun virgestallt. Eng dervun erkennt der bei den Datumer vum STIP: Den Tronc Commun, wéi mer e vun de leschte Joere kannt hunn, gouf ofgeschaf an de komplette STIP ass rem zeréck an d'Branche gaang. Dofir besteet de STIP elo aus 2 Formatiounsweekender. Well dëst Joer en Iwwergangsjoer ass, ass d'Participatioun un deenen 2 Weekender obligatoresch fir seng Formatioun kennen ofzeschléissen.

Umelle kennt der iech iwwert d'Formatiounsportal an der Chefbox.

Déi Cheftainen a Cheffen, deenen nach den Tronc Commun fehlt, sollen sech beim Formatiounskommissär (formatioun@lgs.lu) mellen, fir do eng Léisung ze fannen.

Nationale Biberweekend

De 25. an 26. Mäerz 2023 fënnt um Neihaischen een nationale Biberweekend statt. Dëse riicht sech virun allem un eis méi "schwach" Gruppen, déi eventuel aus Mangel u Kanner, respektiv aus Mangel u Cheffen, net kinnten op ee Weekend goen. Ob dësem Wee welle mer secherstellen, dass all eis Kanner d'Méiglechkeet kréie, fir virum Camp am Juli eng Kéier un engem Weekend deelzehuelen. Sou vermeide mer, dass de Camp de Kanner hier 1. Nuet weg vun doheem ass :) 

Biber- a Wëllefchersandacht

Samsdes, de 15. Mee 2023, fënnt och rem eis traditionnel Biber- a Wëllefchersandacht an der Kathedral statt. Nodeems dat Event d'lescht Joer datumstechnesch schlecht gefall war, hoffe mir iech dëst Joer rem zahlreich begréissen ze kennen.

No 2 Joer BiberMud um Neihaischen, wäer et dëst Joer erëm un engem Bibertreff, dat heecht engem Rallye bei enger Biberfamill doheem :)

Niewt der Organisatioun vum nationale Biberweekend an dem Camp am Juli, kréie mir an der Ekipp leider net och nach d'Organisatioun vun engem BiberMud gestemmt. Dofir si mir hei op är Ënnerstëtzung ugewisen.

Wann dir drun interesséiert wäert, de Bibertreff 2023 ze organiséieren, da mellt iech bei eis. Och wann der nëmme mam Gedanke spillt et ze maachen, kënnt der iech gäre fir méi genau Informatioune bei eis mellen :) 

Schreiwt eis einfach eng Mail u biber@lgs.lu.

Dëst Joer steet endlech eisen nationalen Bibercamp um Sennéngerbierg um Programm. Nodeems en 2021 duerch Corona huet missen ofgesoot ginn, si mir frou, dass en dëss Joer stattfanne kann.

All d'Informatioune fir de Camp fannt dir op eisem Internetsite oder andeems der op folgende Link klickt:

Dat waren déi wichtegst Informatiounen.

Bei Froën, zéckt net eis eng E-Mail u biber@lgs.lu ze schécken.

Mat beschte Guiden- a Scoutsgréiss, 
Äer Biberekipp