Léif CaraPio Chef,

De CaraPio STIP ass dëst Joer, wéi um Chefdag ugekënnegt, iwwert fënnef Deeg vu Mëttwochs dem 12. bis Sonndes de 16. Abrëll 2023.

Du bass well ugemellt?

Wéinst Problemer mam Umeldungsformulaire am Formatiounsportal, kann et sinn dass du dech ugemellt hues, awer net bei eis an der Lëscht stees. Mir hunn alle Kandidaten déi bis elo ugemellt sinn eng séparat E-Mail gemaach. Wanns du keng E-Mail krus, dann mell dech bei eis! (carapio@lgs.lu)

Du bass nach net ugemellt?

Fir dass mir plange kënnen ass et wichteg dass jiddereen dee wëll deelhuelen sech sou séier wéi méiglech fir de STIP umellt.

Umeldeschluss ass den 19. Februar 2023!

De CaraPio STIP gëtt a Form vun engem klenge Camp Volant gehalen. - Keng Anscht et ass sou gestalt, dass jiddereen et packt! :-)

🙈 Dës Formatioun beinhalt de fréieren CaraPio STIP an den Tronc Commun. (Et feelt also just nach de PS Week-End.)

🙉 Ziel ass et all zukünftege CaraPio Chef déi néideg Informatiounen ze ginn fir hier Roll als Chef kënnen ze iwwerhuelen. D'Praxis gëtt an den Alldag agebonnen - mir probéiren et einfach direkt aus! Et solle nei Ideeë vermëttelt ginn wéi ee séng Aktivitéite ka plangen.

🙊 Dir kënnt fir Mëttwochs bis Freides Congé Jeunesse ufroen.