Léif Cheftainen a Chef, 
Léif Gruppecheftainen a Gruppechef,

Wéi dir sécher alleguerte scho matkritt hutt, ass eisem Chefscout Guillaume säin zweete Jong ufanks der Woch op d‘Welt komm. 

2020 hate mir bei de Biber an de Wëllef wärend dem Lock-Down eng Aktioun gestart, wou d‘Kanner dem Prënz Charles ee Bild konnte molen. Aus all deene Biller hate mir eng Kaart zesummegestallt, mat där mir dem Prënz Charles alles Guddes gewënscht haten. 

Un déi Aktioun wëlle mir uknäppen an och dem Prënz François esou eng Kaart schécken. 

Do kommt dir an d‘Spill. Vu Biber bis RaRo an och an der Chefekipp kënnt dir aktiv ginn. Schéckt eis Gruppefotoen vun äre Famillen, Ruddelen, Truppen, Clanen a Chefekippen. Sidd roueg kreativ bei äre Fotoen an heescht de Prënz François op eng kreativ Aart a Weis wëllkomm.

Aus all de Fotoen déi mir kréien stelle mir dann eng Kaart zesummen, déi mir dem Prënz François uschléissend schécken.

Wat mir méi Fotoen erakréien, wat mir méi eng Flott Kaart kenne maachen. Dofir ziele mir op iech :) 

Lued är Fotoen ënnert folgendem Link erop. Dir kënnt är Fotoen bis de 7. Mee 2023 eroplueden.