1. Kongress 2023

2. Chefdag 2023

3. Kompass 2022-2023

Wale vum Verbandsrot

Um Kongress gëtt de Verbandsrot fir 3 Joer nei gewielt. Dëse Gremium besteet aus 3 ernannte Gruppecheffen an 2 ernannte Cheffe pro Branche.

De Verbandsrot steet stellvertriedend fir all Cheftainen a Cheffen an trëfft sech op d’mannst 3 Mol am Joer mam Team fir iwwert déi Themen, déi uleien informéiert ze ginn, matzeschwätzen an Impulser ze ginn. Grouss Ännerungen déi ugeduecht sinn, Reglementer déi mussen ugepasst ginn, ginn hei zesumme mam Team beschwat.

Wann s du Loscht hues a motivéiert bass, hei matzeschaffen, da mell dech bei dengem Branchecommissaire bis spéitstens um Kongress.

UMELDUNG

D'Umeldung fir de Kongress an/oder fir de Chefdag ass individuell. Dat heescht all Chef/taine muss sech selwer iwwert d'Chefbox umellen.

De Kongress ass en Checkpoint-Event. Fir de Kongress a fir de Chefdag kriss du e Paddel. Bréng dofir deng Chefkaart mat. Dës kanns du selwer an der Chefbox opruffen an eroflueden. Dofir muss du agloggt sinn. Oder du luets d'LGS-App op däi Smartphone: LGS-App

2. Chefdag

De Verbandsgrupp invitéiert dech ganz häerzlech op de Chefdag um Kiem bei der Sportshal.

De Chefdag huet dëst Joer 2 grouss Ziler:

• sech ze begéinen an eng schéin Zäit mateneen ze verbréngen,
• iech Iddie mat op de Wee ze ginn, fir déi éischt Versammlungen ze plangen. 

Programm

• 08:30: Aschreiwen, Kaffi a Croissant (Foulard vum Fischer)
• 09:15: Ufank Chefdag mat Begreissung, Infoen, Animatioun
• 10:00 - 16:00: Brancheversammlungen a Workshoppen

Catering

De Kiemer Grupp këmmert sech ëm de Grillstand, ausserdeem stinn 2 Food Trucks mat äthiopesche Spezialitéiten (och vegetaresch Platen) a Fish and Chips & Co. um Site.

Mir bieden dech, bei der Umeldung unzeginn, ob s du um Chefdag wëlls matiessen an ob s du eng Allergie hues oder Vegetarier/Veganer bass.

D'Iesse gëtt op der Plaz bezuelt.

Weider Informatioune fënns du am Kompass.

UMELDUNG

D'Umeldung fir de Kongress an/oder fir de Chefdag ass individuell. Dat heescht all Chef/taine muss sech selwer iwwert d'Chefbox umellen.

Aschreiwung op der Plaz - Checkpoint

Fir de Kongress a fir de Chefdag kriss du e Paddel. Bréng dofir deng Chefkaart mat. Dës kanns du selwer an der Chefbox opruffen an eroflueden. Dofir muss du agloggt sinn. Oder du luets d'LGS-App op däi Smartphone: LGS-App

Wann s du kee Smartphone hues, kanns du d'Kaart printen an esou matbréngen.

3. Kompass

Am Kompass fënns du d'Invitatioun, de Programm a weider wichteg Informatioune fir de Kongress a fir de Chefdag 2023.

Ausserdem fënns du hei den Aktivitéitsrapport vum Verbandsgrupp (Verbandsgrupp = Comité + Verbandsekippen + Aarbechtsgruppen) an de Finanzrapport. Iwwer den Aktivitéitsrapport gëtt um Kongress ofgestëmmt.