Salut CaraPio- a RaRo-Chef,

mir si frou iech matzedeelen, dass d’Umeldunge fir den Iron Scout 2024 op sinn! Dëst Joer kënnen op dësem coolen Challenge souwuel CaraPio ewéi och fir RaRo deelhuelen.

Iron Scout : Setz dir däin eegent Zil an iwwerwann deng Grenzen.

Den Iron Scout wäert dës Kéier vum 12. bis 14. Abrëll 2024 zu Klierf stattfannen. Jidderee ka matmaachen, et muss net an der Trupp getrëppelt ginn an all Participant kann sech säin eegent Ziel op der Streck vu 65 km setzen déi et a 24 Stonnen ze bewältegen gëtt. Dofir ginn et Badger fir 30, 40, 50 a 65 Kilometer. Natierlech bleift keen eleng op der Streck, d’Chef suerge wärend dem Weekend fir déi néideg Posten an de Ravitaillement.

Zousätzlech besteet d’Méiglechkeet sech fir de gudden Zweck anzesetzen. All Participant kann sech am Virfeld Sponsore sichen, déi eng Promesse pro getrëppelte Kilometer maachen. Dës Spende ginn dëst Joer integral un Trisomie21.

Wëlls du mat denger Trupp deelhuelen? Da mell deng Trupp un iwwert dëse Formulaire (klick hei).

Natierlech ginn et och dëst Joer neess e puer verschidde Packagen:

• 40€ Basic Iron-Package : gezeechente Wee, Trekking-Buffet, Badger, Taxi an eng Bloderplooschter

• 65€ Premium Iron-Package : Basic Package + T-Shirt 2024* + VIP Taxi + 2. Bloderplooschter

• 25€ Chef-Package: Diner spectacle.

*Marque Neutral & Sériegraphie vun der Fondatioun Kräizbierg

Hues du nach weider Froen? Zéck net eis ze kontaktéieren iwwert ironscout@lgs.lu

Wëlls du als Chef d’Méiglechkeet hunn un dësem Challenge deelzehuelen? Da maach dëst wärend dem Iron Chef um Weekend vum 23. Mäerz 2024. Dëst ass déi perfekt Geleeënheet fir erauszefanne wat d’CaraPio an d’RaRo erwaart. Umelle kanns du dech hei.

Bis geschwënn,

d’IronScout Ekipp