Léif Cheftainen a Chef,

An dësem Newsletter fannt dir folgend Informatiounen:

1. Thinking Day 2021 - Postkaartenaktioun

2. RAPPEL - COVID-Konform Spiller
3. RAPPEL - Plattform (Basecamp)
4. RAPPEL - Portrait Chefscout
5. RAPPEL - Bestellung LGS Branchebadger
6. RAPPEL - Bestellung LGS Multifunktiounsschaler 

Maach mat bei der Postkaartenaktioun 2021!

Et ass rëm sou weit, den 22ten Februar feieren mir mat den Scouten weltwäit de Gebuertsdag vum Olave a vum Robert Baden Powell. Dëst ass eng Traditioun déi säit 1932 existéiert an du kanns hëllefen se weiderzeféieren!

D’Guiden a Scouten schécken sech Postkaarten mat schéine Gréiss um Thinkingday an zesummen mat aneren däitschsproochegen Länner maache mir mat. 

D'Thema dëst Joer ass All zesummen fir den Fridden

Fridden ze bréngen oder Fridden ze erreechen ass fundamental fir all Guiden an Scouten an dëst Thema ass am Moment nach ëmmer esou relevant wei dat och virun 100 Joer den Fall war. Nëmmen wann mir all zesummen schaffen kënnen mir dëst Zil erreechen. 

Wëlls du fläit engem aaneren Freed maachen, an däin Fridden an Form vun enger Postkaart verschécken? An och eng Postkaart vun engem aaneren amplaatz kréien?

Dann mach mat bei der Postkaartenaktioun! Mell dech eleng oder mat dengem Grupp bis den 27.01.2021 un an den 8.02.2021 kriss du dann d'Adressen per Mail geschéckt. 

Umellen kann een sech um Site: https://thinkingday.pfadfinden-in-deutschland.de/informationen/postkartenaktion

Op dësem Site fannt dir och nach weider Informatiounen zu der Aktioun. Bei weideren Froen schreift op ic.wagggs@lgs.lu

Elo leit et just nach un ärer Kreativitéit fir eng flott Postkaart ze gestalten an dës fortzeschécken.

RAPPEL

COVID-konform Aktivitéiten

Heimat wëlle mir iech nach eng Kéier op eis COVID-konform Aktivitéiten opmierksam maachen, déi vun der Programmekipp zesumme mat de Branchen ausgeschafft goufen. Dëss fannt dir an der Aktivitéitsbox, wann dir de Filter "Typ" op "COVID-Konform" setzt oder op dëse Link klickt.

Ausserdeem fannt dir hei en Dokument mat "Corona Spiller fir Dobaussen", déi vum SAFAB ausgeschafft goufen. 

Plattform

Fir de méi einfachen Austausch ënnert de Gruppen hunn d'Gruppenekipp a PR-Ekipp zesummen e Forum an d’Liewe geruff. Dëse funktionéiert mat der (Web-)Applikatioun Basecamp. 

Hei sollen aus all Grupp 1 bis maximal 3 Leit sech umellen. Sou kennt dir iwwert des  Plattform Froe stellen di dir vun allen Participante beäntwert kennt kréien. Hei sinn och d’Membere vun der Gruppenekipp an aner Kommissären aus dem Comité dran di iech mat Rot an Dot  zur Säit stinn. 

Mir soen all deene Leit Merci déi sech schon iwwert eise Formulaire ageschriwwen hunn an encouragéieren alleguer déi Gruppen, déi daat nach net gemaach hunn, sech nach schnell anzeschreiwen :-) 

Portrait Chefscout

De groussherzoglechen Haff huet den zwee Scoutsverbänn FNEL an LGS zwou Portraitsfotoe vum neie Chefscout zoukomme gelooss, déi dir iech hei kennt ukucken. Des Fotoe kenne vun de lokale Gruppen an de jeeweilege Chaleten opgehaange ginn. Mir ginn iech d´Méiglechkeet, iech un enger Sammelbestellung ze bedeelegen. 

Bestelle kënnt dir bis den 31. Januar 2021, Mëtt Februar kennen d'Bestellunge dann fäerdeg agerummt an der Géisserei ofgeholl ginn. D'Rechnung kritt dir automatesch no der Bestellung per Email  zougeschéckt.

Bestellung LGS Branchebadger

Déi nei Branchebadger, déi am Kader vum Rebranding vun der PR-Ekipp zesumme mat de Branchenekippen ausgeschafft goufen, kennen ab elo als Badge fir op d´Uniform bestallt ginn. An enger éischter Phase wäerte mir eng Sammelcommande lancéieren, wou all Grupp respektiv Branche hier Badger ka virbestellen.

Ab Mëtt vum Joer wäerten d'Badger och regulär am Shop ze kréie sinn. Mir wären awer frou wann dir eis är éischt Commande bis den 13. Februar 2021 kéint eraginn, sou ass et fir eis méi einfach de Besoin ofzeschätzen.

Dir gitt Ufank Abrëll vum Shop kontaktéiert fir är Badger ofzehuelen.

De Präis vun de Badger läit bei 2€/Stéck. 

Bestellung LGS Multifunktiounsschalen

Wéi schonn am Summer ass et elo nach eng Kéier méiglech LGS Multifunktiounsschalen ze bestellen.

Wéinst der grousser Demande aus de Gruppe bidde mir iech d'Méiglechkeet d'Multifunktiounsschalen zu den nämmlechte Konditiounen nozebestellen (2,25€/Stéck). D’Rechnung kritt dir automatesch per Email no der Bestellung zougeschéckt.

Ab Januar wäerten des dann och am LGS Shop ze kréie sinn, wou mir se awer aus TVA a Käschtegrënn e bësse méi deier musse verkafen. Profitéiert dofir elo nach eng Kéier vun dëser attraktiver Offer.

Soubaal dëse Produit am Shop ze kréien ass wäerte mir iech informéieren.