|
Léif Wëllefcherscheffen,
an dëser Newsletter fannt Dir 3 méiglech Campthemen fir de nationale Wëllefcherscamp am Juli 2025!
Getrei eisem neie Mot d’ordre „The future is ours“ wou d’Participatioun am Virdergronn steet, kënnen d’Ruddelen aus dem ganze Land d’Thema decidéieren!
Schwätzt an enger vun deenen 2 nächste Versammlunge mat äre Wëllefcher kuerz iwwer déi 3 Proposen a gitt, bis den 1.2, ärem Liblingsthema är Stëmm! Pro Ruddel gëtt et eng Stëmm an dat meeschtgewielten Thema wäert herno d’Campthema ginn!
- Missioun Cassiopeia l Wëllefcher a Chef, starte mat hierem Liichtgeschwindegkeets-Raumschëff op Weltraum Missioun. Leider leeft net alles wéi geplangt a mir stranden op engem frieme Planéit. Beim Opprall kënnt et zu enger grousser Explosioun an d'Stécker vum Raumschëff fléien an all d'Himmelsrichtunge fort. Déi frëndlech Bewunner vum Planéit verstinn eis zwar net, mee bidden eis hier Hëllef un. Mat hinne fléie mir duerch hiert Sonnesystem a versichen all déi passend Stécker nees opzesammelen, fir dono eist Raumschëff hoffentlech rëm zesummesetzen ze kënnen.
- Zauberwelt vu Mistaria l Häerzlech Wëllkomm léif Wëllefcher, heimat wëlle mir iech an d‘Zauberwelt vu Mistaria invitéieren. Dëst ass dem Zauberer Merlin seng Akademie an och dir hutt elo Chance ären Zaubererofschloss hei kënnen ze maachen. Nieft allerlee Zauberwëssen erwaart iech hei, e Quidditch Turnéier, verwonschen Aventuren a wee weess, villäicht kritt dir souguer ären éischten Zauberstaf.
- Mam Wölfi duerch d'Zäit l Zesumme reese mir all Dag mam Wölfi senger neier Zäitmaschinn an eng aner Epoch a maachen eis do op d'Sich no de bekannte Charakteren aus der Zäit. An engem Tagebuch halt dir fest, wat dir op ärer Rees entdeckt a ween dir alles kennegeléiert hutt. De Wölfi freet sech op äerch :)
Oofstëmmen kënnt dir iwwert folgenden Formulaire: Formulaire Campthema
Mir si scho ganz gespaant wat bei der Ofstëmmung erauskënnt a soen deene motivéierte Chef, déi des Themen an der Versammlung ausgeschafft hunn, lo schonn e grousse Merci!
|
