Léif Cheftainen a Chef,

An dësem Newsletter fannt dir folgend Informatiounen:

1. RAPPEL - Bestellung LGS Branchebadger

2. Actionbound World Thinking Day

3. Formatioun ZPB

4. Event Reflexiounsgrupp

RAPPEL: Bestellung LGS Branchebadger

Déi nei Branchebadger, déi am Kader vum Rebranding vun der PR-Ekipp zesumme mat de Branchenekippen ausgeschafft goufen, kënnen elo als Badge fir op d´Uniform bestallt ginn. An enger éischter Phase wäerte mir eng Sammelcommande lancéieren, wou all Grupp respektiv Branche hir Badger ka virbestellen.

Ab Mëtt vum Joer wäerten d'Badger och regulär am Shop ze kréie sinn. Mir wären awer frou, wann dir eis är éischt Commande bis den 13. Februar 2021 kéint eraginn, esou ass et fir eis méi einfach de Besoin ofzeschätzen.

Dir gitt ufanks Abrëll vum Shop kontaktéiert fir är Badger ofzehuelen.

De Präis vun de Badger läit bei 2€/Stéck. 

Du wëlls ee flotte Badge vun WAGGGS verdéngen?

Feier mat eis de World Thinking Day 2021

D’International Ekipp huet een Actionbound am Kader vum World Thinking Dag gemaach, bei dem jidderee ganz einfach vun Doheem aus matmaachen kann!

Fir bei dësem Bound matzemaachen, muss du just d’App ‘Actionbound’ (Appstore, Google Play) op däin Smartphone eroflueden, den QR scannen an scho kann et lass goen.

An dësem Bound fënns du ee klenge Quiz iwwert de World Thinking Day a WAGGGS am Allgemengen. Duerno geet et weider mat 3 Aufgaben. Wanns du dës 3 Aufgaben erfëlls an d’Äntwerten an den Actionbound erop luets, dann kriss du de Badge fir den WTD 2021. Bei deenen 3 Aufgaben gëtt et kee richteg oder falsch mee se sollen dozou ureegen, fir iwwert Thema ‘Fridden’ nozedenken an wéi mir eis als Guiden a Scouten kënnen zesumme fir de Fridden asetzen.

Vu wéini bis wéini kann ech den Actionbound maachen? 

Den Bound wäert ab dem 22. Februar Online goen an och da kanns du den QR Code réischt scannen.  Du hues bis den 15 Mäerz Zäit fir all Aufgaben z‘erfëllen.

Wie kann alles matmaachen?

Dëse Bound ka ganz einfach vun Doheem aus gemaach ginn, oder awer och zesummen am Grupp, mee hei denkt drun, déi aktuell Mesuren am Zesummenhang mat Covid-19 ze respektéieren. Dir kënnt natierlech och de Bound zesummen an enger Onlineversammlung maachen. Et gëtt keng Alterslimitt a jiddereen kann matmaachen!

Material, wat gebraucht gëtt: 

• Smartphone mat der App ‘Actionbound’ an Internetverbindung
• Eng gliese Fläsch oder ee Glas mat engem Deckel
• 2 Faarwe Glitzer, Sand oder Waasserfaarwen
• Kaarten, déi s du hei fënns
• Virlag op Säit 62

Mir wënschen vill Spaass,

International Ekipp

AM GRUPP MATSCHWÄTZEN, MATGESTALTEN

A MATBESTËMMEN - (K)EE PROBLEM?

Formatioun fir Cheffen a Kooperatioun 

mam Zentrum fir politesch Bildung (ZpB) 

Samschdeg, den 06.03.2021 vun 10:00-17:00 Auer

Flyer-Formatioun-ZpB

Spiritualitéit: Wéi geet dat? – Deel 1

Mir sichen zesummen Äntwerten ob di Fro mat Hëllef vun engem flotte Buch vum Lorenz Marti.

Mir diskutéieren iwwer Web wärend dräi Owender a behandelen eenzel Sujeten wéi z.B. :

Fräiheet, Wourecht, Sënn, Geloossenheet, Verbonnenheet, Offenheet, Zouversiicht, Vertrauen, Opbroch

Déi Sëtzungen sinn den 23. Februar, den 10. an den 23. Mäerz all Kéier vun 19:30 bis 21:00.

Dëse Seminär ass organiséiert vum Reflexiounsgruppvun den LGS.

En ass op fir Cheftainen a Chef, Verantwortlech vum Verbandan, all Leit, déi um Thema interesséiert.

Umeldung: beim jean-marie.weber@uni.lu

Ween sech umellt, kritt zwee Deeg virdrun de Link geschéckt.