Léif Chef, léif RaRo an Albatross,

Vum 20. bis den 26. Juli 2025 ass den nächste groussen nationale Wëllefcherscamp. 

Den Topstaff a vill Staff-Memberen si schonn dobäi de Camp ze plangen. Dass de Camp awer elo e vollen Erfolleg gëtt, ginn nach fläisseg Guiden a Scouten gesicht, déi am Staff virum Camp, awer haaptsächlech um Camp, hëllefe wëllen.

Wann s du motivéiert bass, da mell dech gären als Staff un. No denger Umeldung wäerte mir eis bei dir mellen.

Bis geschwënn,

den Topstaff vum Wëllefcherscamp

• Sekretariat:
  Du schreiws gär Mailen an/oder intresséierst dech fir d’Onlineumellungen.
• Finanzen:
  Du bass fitt mat Zuelen a kanns mat Excel emgoen.
• PR:
  Du designs gär de Camp-Badge an de Camp-Tshirt, du wëlls d’Campbichelchen gären matgestalten oder hues gutt Iddie fir d’Campzeitung.
• 1.Hëllef:
  Du hues keng Angscht viru Blutt a klengen oder méi groussen Wonnen a reagéiers roueg an Noutsituatiounen.
• Infrastruktur: 
  Du riichs gär Zelter op, a bass allgemeng bereed do anzesprangen, wou s de gebraucht gëss. Oder du wëlls am Virraus gär scho bei de wichtegen Décisiounen zum Thema Infra hëllefen.
• Ravi:
  Du kachs gär fir grouss Gruppen.
• Programm:
  Du hues gutt Iddie fir eng flott Veillée, en spannend Nuetsspill, oder soss Programm, oder du organiséiers gär intressant Ausflich.
• Souscamp:
  Du suerg fir gutt Stëmmung um Camp a bass gär Uspriechpartner fir d'Chef.
• Créche:
  Um Camp wärt et eng Crèche fir Kanner vum Staff ginn. Du pass gär op Kanner op, organiséiers flott Aktivitéite fir si a kucks, datt och si e schéine Camp hunn. Als Staff-Member an der Créche solls du mindestens 16 Joer hunn.
• Chef-Bar:
  Du këmmers dech gären um Camp em d'Chef-Bar an organiséiers virdrun Gedrénks a suergs dofir dass d'Chef e gemittlechen Owend an der Bar hun.