Léif Chef:taine,

Am September ass et nees esouwäit de Kongress an de Chefdag fannen dëst Joer am Süde vum Land statt.

Di Käler Scoute sinn houfreg a voller Freed Iech all, den 20. an den 21. September op eng Rees, an de Süde vum Ländchen ze invitéieren.

• Ordre du Jour

Dëse fënns du am Kompass op Säit 7. De Kompass fënns du um Enn vun dësem Mail. 

• Statuten Ännerung

Nodeems déi al ASBL hiren Numm op "Frënn vun de Lëtzebuerger Guiden a Scouten" ëmbenannt huet, proposéiere mir den Numm vun eiser ASBL vu "Verband vun de Lëtzebuerger Guiden a Scouten" op "Lëtzebuerger Guiden a Scouten" ze änneren. Déi genau Ännerungspropose fannt dir hei (cf. Ordre du jour Säit 7). 

• Umeldung

D'Umeldung fir de Kongress a Chefdag ass individuell, dat heescht: all Chef/taine muss sech selwer umellen. Mell dech hei un: https://chefbox.lgs.lu/desk/chefdag-kongress/

• Procuratioun um Kongress

All stëmmberechtegte Member vum Kongress kritt bei der Aschreiwung 1 Stëmmkaart. Wie fir de Kongress verhënnert ass, kann engem aneren, stëmmberechtegten, Member vum Verbandskongress eng Procuratioun gi fir a sengem Numm ofzestëmmen (dat geschitt iwwert de Formulaire hei ënnen drënner), dëse kritt dann eng zweet Stëmmkaart. Et ka kee méi wéi zwou Stëmmkaarten hunn. (Art. 4.1.4 vun den LGS-Statuten)

Iwwert dëse Formulaire kanns du engem anere stëmmberechtege Member aus dengem Grupp eng Procuratioun ginn. 

• Dikussiounsronnen um Kongress

Du hues en Thema fir eng Diskussiounsronn um Kongress? Da kanns du dëst Thema hei uginn an och aner Themen "liken".

• Checkpoint-Event

De Kongress a Chefdag si Checkpoint-Eventer. Wann s du deng Chefkaart bei engem Checkpoint um Kongress a Chefdag (Receptioun) presentéiers, kriss du ee Paddel gutt geschriwwen. Du fënns deng Chefkaart an der Chefbox am Dashboard oder an der LGS App ënnert "Meng Chefkaart"