Léif Chef:taine,

Geschwënn ass et nees esouwäit, de Kongress an de Chefdag fannen dëst Joer am Süde vum Land statt. D'Käler Scoute freeën sech Iech kennen an der Schongfabrik ze empfänken. 

All Member tëschent 16 an 23 Joer däerf mat ofstëmmen. Mëll dech séier un a reech deng Iddie fir Diskussiounsronnen eran. 

• Ordre du Jour

Dëse fënns du am Kompass op Säit 7. De Kompass fënns du um Enn vun dësem Mail. 

• Statuten Ännerung

Nodeems déi al ASBL hiren Numm op "Frënn vun de Lëtzebuerger Guiden a Scouten" ëmbenannt huet, proposéiere mir den Numm vun eiser ASBL vu "Verband vun de Lëtzebuerger Guiden a Scouten" op "Lëtzebuerger Guiden a Scouten" ze änneren. Déi genau Ännerungspropose fannt dir hei (cf. Ordre du jour Säit 7). 

• Umeldung

D'Umeldung fir de Kongress a Chefdag ass individuell, dat heescht: all Chef/taine muss sech selwer umellen. Mell dech hei un: https://chefbox.lgs.lu/desk/chefdag-kongress/

• Procuratioun um Kongress

All stëmmberechtegte Member vum Kongress kritt bei der Aschreiwung 1 Stëmmkaart. Wie fir de Kongress verhënnert ass, kann engem aneren, stëmmberechtegten, Member vum Verbandskongress eng Procuratioun gi fir a sengem Numm ofzestëmmen (dat geschitt iwwert de Formulaire hei ënnen drënner), dëse kritt dann eng zweet Stëmmkaart. Et ka kee méi wéi zwou Stëmmkaarten hunn. (Art. 4.1.4 vun den LGS-Statuten)

Iwwert dëse Formulaire kanns du engem anere stëmmberechtege Member aus dengem Grupp eng Procuratioun ginn. 

• Dikussiounsronnen um Kongress

Du hues en Thema fir eng Diskussiounsronn um Kongress? Da kanns du dëst Thema hei uginn an och aner Themen "liken".