Léif Gruppecheffen,

Den Thinking Day 2026 wäert vum 7. op den 8. Februar um Stater Geesseknäppche stattfannen.

Heibäi wäert ee 24 Stonne laang verschidde Sportaarte entdecke kënnen an dobäi souvill wéi méiglech Stonne Beweegung sammelen. 

D'Cheffe wäerte mat hire Kanner a Jonken auswielen, wéini a wéi laang si wéie Sport maache wëllen (Schwammen, Tauchen, Klammen, Breakdance, Dodgeball, Ënnerwaasserrugby, ...). 

Pro Stonn Beweegung kënnen eis Memberen sech sponsere loossen. Déi gesammelt Sue gi fir de gudden Zweck gesammelt a ginn integral op eise Scouts-Projeten am Ausland agesat. Dëst sinn eis RaRo-"Odysseeën".

Vu dass dëst e grousst Evenement fir déi iwwer 5000 Membere vum Verband mat all senge Branche wäert sinn, si mer fir d'Organisatioun drop ugewisen, eng graff Schätzung vun der Unzuel Participants ze hunn.

Mat dësem Formulaire kënnt dir eis matdeelen, ob Äre Grupp am Prinzip derbäi ass: 

Dëst erlaabt eis, dësen Event ze plangen, an Enn Oktober 2025 mat méi geneeën Detailer op Iech zréck ze kommen. Dëst ass nach keng definitiv Umeldung.

Bei Froe kënnt dir iech gäre bei programm@lgs.lu mellen.
Elo schonn e grousse Merci fir Är Ënnerstëtzung!

Fir d'LGS-Programmekipp: Cathy Weber, Sophie Weber, Xavier Létalon, Charel Donven, Charel Metz