Gudde Moien,

mat dësem Mail wëlle mir dech driwwer informéieren datt den 18. a 19. August un der neier Chefbox geschafft gëtt. De Site chefbox.lgs.lu ass wärend deenen Deeg nëmme begrenzt bis guer net erreechbar. Aner *.lgs.lu Micrositte wäerten och dovu betraff sinn an net wéi gewinnt funktionéieren.

Iwwert dat lescht Joer gouf intensiv iwwerluecht wéi déi Verbandsintern Kommunikatioun verbessert ka ginn. E wichtegt Element dovun ass eis Chefbox.

Du hues bestëmmt gemierkt datt mir eng Hellewull Sitten hunn an d'Informatiounen déi dech direkt betreffen dofir oft wäit verspreet sinn. Do dernieft hu mir an de leschte Jore vill op digital Prozeduren ëmgesuedelt an de Contenu an der Chefbox ass ëmmer méi komplex ginn.

De Comité huet dofir decidéiert eng nei Chefbox auszeschaffen déi all deem Rechnung dréit an déi wichtegst Informatioune fir jiddereen op enger Plaz regroupéiert.

Mir informéieren dech esoubal déi nei Chefbox prett ass a stellen dir dann och déi wichtegst Neierunge vir.

Bei Froen oder Problemer kanns du dech wéi gewinnt op webmaster@lgs.lu mellen.

Merci fir däi Versteesdemech

Bescht Guiden- a Scoutsgréiss,

den LGS Webmaster

(Max, Basile, Fränk, Ben)