1. Update nei Chefbox

2. E spezielle Kongress an engem spezielle Joer, den 18. September

3. Invitatioun Chefdag, de 26. September

1. Update Nei Chefbox

Nodeems d'lescht Woch intensiv un der neier Chefbox geschafft gouf ass dës elo nees wéi gewinnt accessibel a presentéiert sech an engem neie lockeren Design.

Mir hunn och eng extra "Hëllef" Rubrik déi dir bei deene meeschte Froen weiderhëllefe sollt.

Wann et awer zu Problemer sollt kommen, oder s du soss nach Froen hues, kanns du dech gären ënner webmaster@lgs.lu mellen.

2. E spezielle Kongress an engem spezielle Joer

Léif Cheftainen a Chef,

Mir si frou, iech nees op e Verbandskongress „en présentiel“ kënnen ze invitéieren. Dësen ass Samschdes, den 18. September am Stade Josy Barthel.

An awer, wäert de Kongress dëst Joer anescht „wéi gewinnt“ sinn, dëst souwuel wéinst dem Coronavirus awer och aus anere Grënn:

• en ass dobaussen
• en ass Samschdes
• et ass méi Zäit fir ze diskutéiere virgesinn

Wann dës dräi Neierungen iech virwëtzeg gemaach hunn, dann dréckt séier op de Knäppchen an dëser Mail a kuckt iech d'Informatiounen an der Chefbox fir de Kongress 2021 un.

Ernannte Chef/tainen déi fir de Kongress verhënnert sinn, kënnen an der Chefbox de Formulaire fir eng Procuratioun ausfëllen.

Mir freeën eis elo schonn, iech zu ganz vill erëmzegesinn.

Mat beschte Guiden- a Scoutsgréiss,

David Heck (Administratiounscommissaire)
Angélique Krier a Marc Weis (Team)

3. Invitatioun Chefdag, de 26. September

Léif Cheftainen a Chef,

Mir, d’Ettelbrécker Scoute vum Grupp Saint-Sébastien Ettelbréck, si frou iech dëse September um Chefdag zu Ettelbréck begréissen ze dierfen.

Eigentlech wollte mir dat schonn 2020 maachen. 2020 war nämlech d’Joer vun eisem 100. Anniversaire! Mir haten och flott gestart mat enger schmasseger Séance académique (méi Détailer hei), goufen dunn awer leider ausgebremst…

De Chefdag ass e Sonndeg, de 26. September 2021, an den Däichwisen, direkt niewent der Däichhal zu Ettelbréck.

All d’Aktivitéite vum Chefdag sinn dobaussen. Duerfir: «Be prepared!» Dot iech u fir e ganzen Dag bei all Wieder an enger Wiss ënnerwee ze sinn. 

Fir Iessen a Gedrénks ass gesuergt: Moies gëtt et Kaffi a Croissant. De ganzen Dag iwwer sinn Iess- a Gedrénksstänn fir iech do.

All d'Informatioune ronderem de Chefdag fannt dir an der Chefbox iwwert de Knäppchen an dëser Mail.

Mir freeën eis op Iech,

de Grupp Saint-Sébastien Ettelbréck