De Gilwell 2021 steet ënnert dem Zeeche vun ATTITUDE, der eegener Haltung. 

Als Cheftaine a Chef vum Guide-Scoutsmouvement stinn ech a vir eis gemeinsam Wäerter. Ech probéieren dës am Alldag ze liewen, no baussen ze vermëttelen an un déi Kanner a Jugendlech weiderzeginn, déi eis uvertraut sinn. Guide/Scout sinn heescht eng Liewenshaltung hunn a weiderginn. Dass dat net esou einfach ass mierke mer oft genuch, virun allem och an der heiteger Zäit.

Mee wat heescht et eigentlech eng Haltung vertrieden? A wéi enge Beräicher gëtt dat vu mir als engagéierte Chef erwaart? Wéiwäit spillt de Verband dobäi eng Roll?

Un Hand vun theoreteschem Austausch a prakteschem Erliewe probéiere mir Iddien ze entwéckelen, an dat iwwert en Zäitraum vun e puer Méint, mat 3 Weekender zu Lëtzebuerg op verschiddene Plazen. 

De Gilwell ass, och ënnert dëser Form, eng onvergiesslech Erfahrung, an eng Méiglechkeet, zesummen mat aneren engagéierte Chef, de Guidissem a Scoutissem weiderzebrengen, op lokalem oder nationalem Niveau.

Klengt dat fir dech interessant? Da mell dech un iwwert d’Formatiounsportal bis spéidstens den 15. Mee.

Bei Froën, mell dech gären beim  dani.rod@lgs.lu

De Gilwell ass fir all Chef oder Memberen vum Verbandsgrupp déi ee Stap ofgeschloss hunn an op mannst 20 Joër hunn.

Datumer vun de Weekender:

11.6. – 13.6. zu Weicherdang (snj)

10.9.-12.9.  (Plaz gëtt nach matgedeelt)

15.10.-17.10. (Plaz gëtt nach matgedeelt)