{email_subject}

LGS Newsletter - September 2021

1. COVID-19 Update

2. Spiri fir Kids

3. Animateur spirituell

4. Spirituelle Kick-Off

5. Opruff Young Delegates

6. Scho gesinn?

1. COVID-19 Update

Léif Cheftainen a Chef,

Den Educatiounsministère huet eis des Woch driwwer informéiert, dass d'Bestëmmunge fir d’Aktivitéite vun de Jugendorganisatiounen (also och vun de Guiden- a Scoutsaktivitéiten), déi gëschter, 15. September 2021 ausgelaf sinn, onverännert bis den 18. Oktober verlängert goufen. Mir informéieren iech selbstverständlech soubal sech Ännerungen erginn, déi är Aktivitéite betreffen

Dir kënnt déi aktuell Bestëmmungen nach eng Kéier an der Newsletter vum Juli 2021 noliesen.

LGS Newsletter - Juli 2021

2. Spiri fir Kids

Mat dem neien Scoutsjoer starten mir och erëm mat onsem Projet “Spiri fir Kids”. Eng Infosversammlung fënnt en Dënschdeg den 21. September um 20:00 Auer an der Géisserei statt.

Méi Informatiounen

3. Animateur spirituell

Nodeems dass d’lescht Joer 3 Chefs hir Ernennung als Animateur Spirituell kruten, bidde mir och dëst Joer erëm dës Formatioun un. De Weekend fënnt vum 19.- 21. November statt. Detailer zu dëser Formatioun kriss du beim michele.hilger@lgs.lu

Méi Informatiounen

4. Spirituelle Kick-off

Dëst Joer ass kee spirituelle Moment um Chefdag, mee d’Team invitéiert iech zesumme mat der EAS op d’Neihaischen fir zesumme mat enger Mass an engem gemittleche Picknick an dat neit Scoutsjoer ze starten.

Méi Informatiounen

5. Opruff Young Delegates

Bass du tëschent 18 an 22 Joer al? Schwätz du geären Friemsproochen? Wëlls du méi iwwert déi international Welt vum Scoutismus kënneléieren? MIR SICHEN DECH FIR DEI 2. EDITIOUN VUM YOUNG DELEGATE PROGRAMM.

Als international Ekipp vertrieden mir d’LGS bei WAGGGS a WOSM, den 2. groussen Weltverbänn. Op der anerer Säit implementéieren mir d’Virsäz vun deenen zwee Verbänn och hei am Land.

Méi Informatiounen

6. Scho gesinn? Op lgs.lu gëtt et elo eng Rubrik "Lokal Eventer" aus eise Gruppen

An dësem speziellen Agenda kënnt dir déi gréisser ëffentlech Eventer vun ärem Grupp androen. Esou ka jidderee kucke wou a wéi engem Guiden- a Scoutsgrupp grad eng lass ass, a wou een alles ka laanschtgoen. Sief dat een Theater, eng Schnupperversammlung, eng Guiden- a Scoutskiermes, ee Buergbrennen oder en anert Fest vun ärem Grupp.

Wéi dréit een dat an dee Kalenner an? Majo dat ass ganz einfach. Den direkte Link bei de Formulaire ass: https://chefbox.lgs.lu/desk/eventer-lokal-gruppen/

Du fënns de Formulaire awer och hei: chefbox.lgs.lu > Desk > Formulairen > Aner Formulairen. Hei steet en Artikel "Eventer vun de lokale Gruppen".

Äert Event gëtt vun eis iwwerpréift an duerno op lgs.lu/lokal-eventer/ ugewisen!

Mir hoffen, datt iech dëse Service gefällt a géifen eis iwwert Feedback freeën (positiv wéi negativ, mee ëmmer konstruktiv). Dëse kanns du un d'PR-Ekipp schécken: pr@lgs.lu

Zéckt net dës Informatioun mat ären anere Chef ze deelen.

Bescht Guiden- a Scoutsgréiss,

d'PR-Ekipp

Lëtzebuerger Guiden a Scouten
5, rue Munchen-Tesch | L-2173 Luxembourg

Newsletter ofbestellen | Online kucken