Am Summer 2024 ass no 6 Joer endlech nees ee Roverway, dësen ass dëst Kéier a Norwegen ënnert dem Thema ‘North of the ordinary’. De Roverway ass e grousst internationaalt Event fir Guiden a Scouten tëscht 16 an 22 Joer, a gëtt zesumme vun den europäesche Regioune WOSM a WAGGGS organiséiert.

Op engem Roverway huet een awer net nëmmen Participants and IST mee och ee sougenannten Rover Representative dobäi. E Rover Representative (kuerz RoverRep), ass e Vertrieder vun de Participanten vu sengem Contingent fir de Roverway 2024. An engem Roverway ass e grousse Fokus op « Co-Construction ». D’Idee ass dass déi verschidden RoverReps zesumme den Roverway matgestalten, andeems se hir Meenungen an Ideen un d’Organisateuren gi. Dei Participants déi Vertrieder si vun hirem Contingent hu esou d’Méiglechkeet, d’Organisatioun vum Roverway 2024 an och vun hirem Contingent vu méi no ze kucken.

Fir den Lëtzebuerger Contigent sichen mir nach een RoverRep vun den LGS (mir hunn schon een vun der FNEL). Kléngt dat interéssant fir dech an hues du Loscht dësen Challenge opzehuelen? Dann mëllt dech mat dengem Scout CV op cmt@rw2024.sil.lu

Mei Informatiounen iwwert den Roverway an Funktioun vum RoverRep fënns du hei: https://rw2024.sil.lu/faq/

Mir organiséiren och eng kléng Informatiounsversammlung den 17. Juni vu 18h bis 19h um Fëtschenhaff bei der FNEL. Hei ass jiddereen wëlkomm, den um Roverway interesséiert ass. Mir wärten eng kléng Présentatioun wéisen a weider Informatiounen zum Camp
selwer ginn.

Adress:
61a, Rue des Trèves L-2630 Luxembourg