Vum 6. bis de 14. September 2025 wäert a Südbayern an an Eisterräich e Camp fir eis 20-25 jähreg Cheffe sinn.

D’Zil ass et, fir eise Cheffen an deem Alter e Camp ze bidden, un deem sie Participant a net Chef sinn. Gläichzäiteg wëlle mer den Austausch tëscht de Cheffen aus de verschiddene Gruppen vereinfachen.
Et wäert Plaz fir 30 Leit sinn.

D’Umeldunge sinn ab elo a First Come, First Served ënnert dësem Link: https://forms.gle/XfDoPPwgrnyfe4WM9

Déi éischt Hallschent vum Camp wäerten d’Cheffen a klenge Gruppe verbréngen. Déi zweet Hallschent wäert zesummen zu Zellhof an Eisterräich verbruecht ginn: https://www.zellhof.at/en/programme/daytrips/

De Camp – insbesonnescht déi éischt Hallschent – wäert vun de Cheffe matgestalt ginn. Dofir ass den 28. Dezember e Prepa-Nomëtteg zu Sandweiler vu 14 bis 18h. De Präis fir de ganze Camp sinn +-400 Euro.

Bei Froë kënnt der Iech jidderzäit mellen ënnert folgender Adress: programm@lgs.lu

Léif Gréiss,
Liz Brandenburger, Delphine Lambert, Felix Schmit, Charel Metz