Léif Guiden a  Scouten,

Virun 20 Joer hu mir mam Plangen a kuerz dono mam Bau vum Keltenhaus ugefaang, vill Guiden a Scouten, Schoulklassen an aner Jugendorganisatiounen hunn eis wärend den dräi Joer beim Bau gehollef. Dono koume weider Infrastrukture wéi d‘Schmëtt,  de Keramikuewen an eis Out-Doorkicheplazen dobäi. Vun Ufank u war och eise Partner d‘Naturverwaltung dobäi, duerch hir professionell Hëllef konnte mir déi vill Aarbechten och ofschléissen.

Dono huet Ekipp Native Village sech ëm Organisatioun a Realisatioun vu villen naturpedagogesche Programmer  a Formatioune gekëmmert, iwwert 30.000 Jonker a manner Jonker hu bis haut un Aktivitéiten deelgeholl, en Zeechen, dass eist Zil Natur de Jonken erëm méi no ze bréngen e Succès ass a war.

Elo brauch Keltenhaus awer an neien Dach an och aner Reparaturaarbechte musse gemaach ginn. No bal 2 Joer Planung, besonnesch wat de Finanzement betrëfft, si mir vun Enn August u prett fir dës Aarbechten unzegoen. Den Dach gëtt vun enger hollännescher Firma nei gedeckt, dëst vun Enn September.

Vill aner Aarbechte wéi Raumaarbechten am a ronderëm Keltenhaus, Fléckaarbechten un de Lehmmaueren vum Keltenhaus/Schmëtt, Flécke vun Naturclôturen,…..   wëlle mir mat iech zesumme maachen.

Dofir dësen Opruff un all Guiden a Scouten.