Iron Scout

Dëst Joer fënnt den Iron Scout nees an senger ursprénglecher Form – iwwert den Dag – statt.

65 km, 24h !
#edition14 #carapiosueden

Deng CaraPio wëllen hier kierperlech Limitten testen an iwwert sech selwer erauswuessen? Dann ass den IRON SCOUT genee de richtegen Challenge fir si.

Plaz

Start/Schluss zu Bilschdref beim Chalet.

Start

Freides owes den 22. Abrëll 2022 um 18h22. (Arrivée RGTR 529)

Schluss

Sonndes de 24. Abrëll 2022 ab 10h30 Auer. (Depart RGTR 529)

Oflaf

D’CaraPio starte fréi mueres an hunn da maximal 24 Stonnen Zäit fir de ganze Wee ze trëppelen. Natierlech ka jiddereen och éischter ophalen.

Chef

Chef kënnen um Iron Scout net mattrëppelen. Si engagéieren sech bei verschiddene Chargë fir den Encadrement vun de CaraPio ze garantéieren (Ravi, Posten, Taxi …).

Sponsoring

D’CaraPio kënnen sech Sponsore loosse pro Kilometer den si trëppelen. Den Erléis heivu geet un d‘Associatioun H.U.K.- Hellef fir Ukrainesch Kanner.

Nodeems dir de Virement fir är Trupp gemaach hutt, kritt dir e Mail mat all de weideren Detailer zum Oflaf an zum Sponsoring.

De Sponsoring Ziedel kanns du hei downloaden: klick hei

Präis

– 35€ Basic Iron-Package : 5 Gänge-Menü, Badger, Taxi an eng Bloderplooschter
– 55€ Premium Iron-Package : Basic Package + T-Shirt + VIP Taxi + 2. Bloderplooschter

Umeldung

Umeldeschluss ass den 8. Abrëll 2022.

D’Umeldung leeft iwwert der Formulaire um LGS Site hei ënnendrënner. (klick hei)

Iwwerweisen op dëse Kont:
Lëtzebuerger Guiden a Scouten, Branche CaraPio
Bill IBAN LU38 0026 1827 9868 5600
Vermierk « Trupp, Iron22, Unzuel CaraPio, Unzuel Chef, Unzuel T-Shirts »

Material

• Foulard
• Klenge Rucksak
• Schlofsak a Carrymat
• Mask an Impfzertifikat (ofhängeg vun der derzäiteger Situatioun)
• Waasserbidong (kann opgefëllt ginn)
• Schmierekëscht
• Liblingssnack (alles anescht fir z’iesse gëtt et op de Posten)
• Täscheluucht & Ersatzbatterien
• Giele Gillet
• Reejacket an eppes géint d’Keelt
• Schung fir 65km iwwert Feld- a Bëschweeër ze goen
• Spullduch
• Aktuell Fiche Médicale

Iron Chef

Dëst Joer fënnt keen Iron Chef statt.

Bis Geschwënn,

CaraPio Süden